Lixo

Sibila ten un quiosco; Chon, un bar. Montaron os seus negocios na nova urbanización.

Alí mercou un piso Blasa. Ela procura na mística o que Caruncho, o do 3ºA, non atopa na liña telefónica.

Rodeiro ten dous fillos, dous coches, unha muller, un apartamento en Málaga e unha amante. Gonzalves envexa a sorte de Rodeiro pero Rodeiro non sería quen sen Gonzalves. Os dous comen unha hamburguesa mentres falan de mulleres.

Izascu e Mireia son mulleres. Izascu ten un can e unha chea de romaneses na casa. O que tén Mireia é unha veciña que fai top less diante dos cativos.

Con pechar un ollo, Antolín quere ser o novo Tarantino artístico. Touza mirao e move o seu caxato. Sabe que a arte é só un concepto moderno e indefinido. Como o lixo.

Porque se cadra aínda non se decataron, pero todos viven no lixo. E as gaivotas aterran pra tentar sobrevivir entre as preas.

Reparto

Sibila: Bibi Piñeiro - María Meijón

Blasa: Sonia Abollo

Chon: Alexandra Vicente

Izascu: Carmen Díaz

Mireia: Ana Piñeiro

Touza: Clementina Formariz

Caruncho: Alberto Martínez

Gonzalves: Luis Ángel Gómez

Rodeiro: Manuel Chapela

Antolín: Julio C. Piñeiro

Equipo técnico

Deseño e realización de:

Cartelería e programas: David López

Vestiario: Vanesa Collazo

Iluminación: Ledicia Seoane

Dirección: Anxo Lourido

Reseña no Diario de Pontevedra

Estrea de Lixo

Publicado en La Voz de Galicia

Aula Teatro Municipal Pontevedra

O sábado catro de novembro, a ATM estreará no Teatro Principal de Pontevedra o novo espectáculo: Lixo.

Sinopse: Durante as últimas semanas, o servizo de recollida de lixo non pasa pola nova zona residencial da cidade. Os veciños agardan unha solución mentres un monte de residuos vai medrando as súas costas. Lembran Bens?

Feira Franca 2006

Na edición deste ano da Feira Franca, membros da ATM participaron como un grupo de leprosos que percorrían as rúas na procura de comida.

Vindeira actuación da ATM de Pontevedra
A Caída do Conselleiro
Sábado 10 de xuño ás 21 h. no Local Social de Combarro (Poio)
Acto organizado por Vides Novas que colaborou coa ATM na montaxe de rúa Glub durante a Festa do Río

ATM GLUB FESTA DO RIO (30.04.06) 

ATM Glub FESTA DO RIO 

ATM Glub (30.04.06) 

ATM Glub 4 (30.04.06) 

ATM Glub 3 (30.04.06) 

ATM Glub 2 (30.04.06) 

ATM Glub 

Vindeiros traballos da ATM

O domingo 30 de abril, a ATM participará na Festa do Río co espectáculo Glub de animación de rúa a partires das 20 h. na Avenida das Corbaceiras en Pontevedra (preto da Ponte da Barca no río Lérez)

O sábado 13 de maio: función de Xogos na sesta en Boiro ás nove da noite.

A ATM comezou xa os ensaios da súa nova montaxe que leva por título Lixo.

Xogos na sesta

Aula Teatro Municipal Pontevedra

Aula Teatro Municipal Pontevedra
Últimas funcións da Aula de Teatro Municipal de Pontevedra

Xogos na sesta na Mostra de Teatro de Boiro (aínda sen determina-la data)
15 de xaneiro- 19 h.: A Caída do Conselleiro no Centro Cívico de Caranza (Ferrol)
4 de febreiro: Xogos na sesta na Cultural de Mourente (Pontevedra)

Está previsto que a ATM participe no Entroido pontevedrés no enterro do Ravachol e tamén cun espectáculo de rúa nos actos que se van desenvolver no mes de abril dentro do programa de actividades "Puro Lérez".

Se queres entrar a formar parte da ATM envía un correo electrónico a atmanxo@gmail.com pra poñernos en contacto contigo.

programa Xogos na sesta. autor: david lópez

Estrea de Xogos na sesta

Esta montaxe será representada o 3 de decembro no Teatro Principal de Pontevedra

A Aula de Teatro Municipal de Pontevedra estrea Xogos na sesta en Outes

A Aula de Teatro Municipal de Pontevedra (ATM) estrea o sábado 12 de novembro na Casa da Cultura de Outes a súa sexta montaxe, Xogos na sesta. Este espectáculo está baseado na obra Xogos á hora da sesta da dramaturga arxentina Romá Mahieu. A ATM realiza unha versión da obra que fora dirixida por Cándido Pazó no ano 1992 para a compañía Teatro do Malbarate cun reparto no que destacaban, entre outros, Mabel Ribera e Josito Porto.

Xogos na sesta é a historia de oito rapaces que nun parque urbano amosan, durante unha tarde de xogos, a súa particular maneira de entende-la realidade. A inocencia e tamén a crueldade e a violencia aparecen recollidas nunha montaxe con referencias cómicas sobre un presente e un futuro de cor negra no que quedan de manifesto as analoxías entre o universo imaxinario dos nenos e o mundo real.

O espectáculo será representado o domingo 20 en Noia e o 3 de decembro, dentro das Xornadas de Teatro Afeccionado, no Teatro Principal de Pontevedra.

Quinto aniversario da ATM

Con este espectáculo, a ATM cumpre cinco anos de existencia, logo de que no ano 2000 a Concellería de Cultura puxerá en marcha esta iniciativa a través do proxecto europeo Urban. Desde aquela, a ATM leva efectuadas seis montaxes: Cousas, baseada en textos e debuxos de Castelao; Un millón de vacas, baseada en textos de Manuel Rivas; O mellor dos mundos, montaxe teatral que recolle obras de Quim Monzó; A vinganza do Padre Cú, versión adaptada á Galicia de Ubu Rei de Jarry; A caída do Conselleiro de A. Lourido e a que agora se estrea baixo o título de Xogos na sesta.

Durante estes anos, a ATM ten recollidos numerosos premios en Certames de Teatro estatais e galegos: Reinosa (Cantabria), Villacañas (Toledo), Laxe, Cabana de Bergantiños ou Campo Lameiro con galardóns tanto ó traballo colectivo como ás interpretacións individuais.

Nun novo recoñecemento ó traballo de formación que está a desenvolver a ATM, a montaxe A Caída do Conselleiro foi seleccionada entre numerosos grupos galegos para participar o 18 de novembro na Semana de Teatro Afeccionado que se desenvolve en Vigo.

a caida do conselleiro